كلمات سر الجاذبيه

هبة هبوب المحبه من جديدي فالمحبه
امتثالٍ بالولاء للحب )؛ في فطر وضحيه
السهر والبعد عامل مشترك منه وعقبه
كل هذا من وراء حِسن الوصوف اليوسفيه
لا تطول دامت اوضاع المشاعر مستتبه
ياهلا واقبل وقلبي روض وافياض وعذيه
اتعب حروف القصايد )؛ فيه ولا في مربه
والتعب حيه وحي )؛ الي نغني له وحيه

حاكمه حكمٍ سعودي .. بالدليل وبالهويه
صار لي من يوم جابه ربنا مثل المنبه
لو نسى مانيب ناسي قبضة يدينه يديه
من جديله لو بغاء يصنع حجاب ويحتجبه
مايبين من المفاتن .. لا كثير ولا شويه
اصدق الامثال فالزين الحقيقي تنضربه
من جمال عيونه لـ عقنه وخصره والبقيه
كل ماهب الهواء الغربي حسدته في مهبه
ياصله ويلاعبه ويضيع في خمر الشفيه
الهنوف. الي بعدها كل غيداء ماتشبه
افرقت في زينها واخذت بساط العامريه

اتعجب واذكر اللـه فيه من دون البريه
من خلاله اكتشفت العلم من عقب المحبه
واكتشافي ماهو بعادي ولا هي عايديه
علم تفاحة نيوتن بنصح الباحث يكبه
الصحيح ان الهواء والعشق سر الجاذبيه
معلومات الاغنية
توزيع ومكس : صروح الفن
ناصر الشيباني
فيديو : ابراهيم
توزيع ديجيتال : شركة قنوات