كلمات صوب دار الخل

صوب دار الخل انويت السفر
القلب مشتاق وأحث المسير
بتبعه لو في مهاليك الخطر
والسبب مابي من الشوق المثير

هام قلبي في هواكم وإنجبر
صدقوني كيف أسلا ما يصير
يا حبيبي من مصابي في خطر
وأرحم اللي صار في حبك أسير

ما هوى قلبي بعد غيرك بشر
لك حلفت بربي العالي الكبير
لا تعذبني وترويني القهر
أرحم اللي حبك محبٍ يستجير

إنته عندي مثل روحي والنظر
منك عوقي وإنت بحوالي خبير
لو بغيت أيام عمري والدهر
في ودادك إنت مالي حد غير

كل ما هبت نسانيس الفجر
جاب لي الذكرى على جنح الأثير
ما يطاوعني ولا عندي أمر
قلبي المأخوذ ما يقبل شوير