كلمات مكانك القلب

مكانك القلب ثابت لو تدور السنين
محبتك في خفوقي حالها حالها
.
حبك حفضته بقلبي مثل سر دفين
ماودي ان العواذل تكثر اقوالها
.
عشان عندي قناعه كل خافي يبين
والكل بيعيب حاجه دام ماطالها
.
الوجه زين وحتا الطبع لا شك زين
متفرده بالوصوف الزينه لحالها
.

من عقب طاعة ولي العرش انا احيالها
من غير طول المعنق فوقها زين عين
يازين سلهامةً تاتي على فالها
والخشم سلة سيوفً تردع المعتدين
في يد شجاعن ماهاب الحرب واهوالها
من غير زين الخشم لبيه يالجمرتين
اللي تواقد بقلبي دايم اشعالها
في نور وجهك صباحً يسعد المصبحين
يطيّب نفوسها لو شانت احوالها
الى فقدتك مليت القلب شوق وحنين
وان اجتمعنا المسره هلّت هلالها

يامرحباً عد سحبً هل همالها
منتي بحاجة عذر فالوصل عذرك سمين
من المعاذير قسمك دايم جزالها
قلبي وروحي عليها كلها تامرين
عن غيرك من الخلايق صكت اقفالها
يضحك لي الكون ساعة شوفتك تضحكين
سعادتك غاية المطلوب واسعى لها
ابختصر كل مافي القلب في كلمتين
واقول لي جملتن ياقل من قالها
معلومات الاغنية
اداء والحان: ضويحي بن صخيفان
توزيع ومكس: استديو تون لايف
تصميم : نبراس الابداع