كلمات الصمت لغة العظماء Elsamt Logat Elozamaa
ضحكه الجدع وقت الوجع هيبه
والدمعه في عيون الرجال عيبه
وانا مهما حملي يكون تقيل
قد الحمول وهشيل
لا ها ينحني ضهري ولا
هميل عمري للخيبه
الصبر علي رمي البلا
والافترا عباده
والصمت وقت الهرجله
والله مابلاده
عمر الكلام مايهز لكبير المقام شعره
مهما الرخاص صوتهم علي
واتطاولوا ع الساده
الصمت لغة العظماء
والهري لغة البلهاء
وسكوتي لو فيكم فاهم
هيفهم انه استهزاء
الفعل لو مش مدروس
بيذل ويوطي الروس
وانا هيبه خطوتي بحساب
وغلطتي أدبها فلوس
انا ضربتي بألف شاكوش
والطلقه مني بخرطوش
بجيب من ابو اخر وانهي
كتر الكلام مابحبوش
العركه هتدور هتدور
والكل جاي وبالدور
وساعتها هتشوفوا بعينكووا
دم الكبير لما يفور
الخبط فوق الراس نازل وبزياده
ووقوعي ألف لئيم مستني كالعاده
لكن عشم ابليس في الجنه و بعينكوا
انا أدكم وأدود ورقبتي سداده
هاتنصبولي كمين هنصبلكم شادر
وسدوا لو شاطرين وعليكم انا قادر
حديد وعمري مالين لو اعادي ١٠٠ فاجر
بيسنيلي السكاكين وفي وجعي بيتاجر
مهما الزمن بيا يميل
انا ع الميزان برضه تقيل
مابقعش بالساهل فوقوا
مفيش نمله بتكعبل فيل
علي وضعي لسه وكرباج
ولسعتي دوا وعلاج
للشماتين والناقصين
وكابوس عاملكوا إزعاج
يساويها ربنا في الجاي
وبكره هتشوفوا ازاي
برد فعلي هكيفكوا
من غير معسل ولا شاي
بس انتوا خليكوا فاكرين
ان انتوا كنتوا الباديين
وغركوا هدوء الريح
ونصبتوا للسبع كمين