كلمات حبيبتي دبي
يا بوي لو تطلب الدنيا وما فيها
اعظم شرف طلبتك من بدت الناسي
طلبت خيلي ولك يا بوي بهديها
امر وما تطلبه على العين والراسي
حبيبتي دبي راحت عند راعيها
الفارس اللي لنا بالمجد نبراسي
اللي الصداره شموخها ما يخليها
رمز الرياده طموحه ماله قياس
فخر العروبه في قاصيها ودانيها
والمجد في دنيته ساس على ساسي
تشهد لابوي الليالي في لياليها
وفارس للعرب عز ونوماسي
حبيبتي دبي من غيره له اصخيها
اللي غلاها ملك قلبي واحساسي
من حبها كالنظر والروح نغليها
القلب قصر لها والعين حراسي
من قدها اليوم في افضل نواديها
يملكها شيخ مجاله يرفع الراسي
يا بوي الاشعار صغنا لك قوافيها
من كبر قدرك سبكناها من الماسي
مواقفك واسمك وفعلك محليها
يلي بلجه بحور الشعر غطاسي
والعذر يا بوي في اولها وتاليها
يا من لنا وللعرب صرح ونبراسي