كلمات للشعر وزن

للشعر وزن وللطواريق قيفان
وللعز رايه وللمعالي عناوين

الليله المعنى تغنى على شان
صقر على العليا يرف الجناحين

عبدالعزيز العز والمجد عنوان
من راس ابوه الين معاد له لين

عمامه الي يومها سرج وعنان
خياله الشرفا كعام المعادين

ذخرك هلا العوجا على كل ميدان
اعرض بسيفك ياحفيد السلاطين

وخوالك الي فعلهم بالقاء بان
على الشجاعه والمكارم مضرين

عجمان وان ركبوا على الخيل فرسان
على القنا والرمح والسيف صلفين

اغلى التهاني والتباريك تزدان
تزهى الشهاده والفخر والنياشين

عبدالعزيز ومنبعك طيب واحسان
الله يحفظك من عيون الحسودين

نقولك لك مبروك من قلب ولسان
افرح وحنا في تخرجك فرحين