كلمات في مكان بعيد وهادي

في مكان بعيد و هادي قاعد لوحده راضي
زهق من الدنيا سابها و راح عاش في الفاضي
حواليه رمل ومية و شوية نجوم
طبيعة فيها سحر عايش فيها طول اليوم
كل لحظة تعدي عليه مستمتع بيها
والنفس داخلة بينسى الدنيا باللي فيها
عنده أحلى قارب في المية بيصطاد بيه
مش عايز حاجة تانية وهو ده اللي بيرضيه
بيكلم القمر لو زهق من قفلة بوقه
بيحب يرغي معاه وأحلى حاجة فيه
كل الناس حسداه على دماغه ورواقته
باله مش مشغول وفي يومه عنده وقته

عنده كل حاجة وهو ده سر النفوس
حتى الصحبة عنده كلب واسمه ماندو
دايما سره معاه وعمره ما خاف في يوم يعانده
كل الناس بتجري في دايرة الحياة
دايرة تلف دايرة وهو فين الاتجاه
سر جوا منه بيدور هو عنه
مش عارف يوصله ودي سُنَّةَ الحياة