كلمات يالاد ضاوي
من جال وادي حنيفه جا لـ فكري مدار
في حزتن تلهم الشاعر وقافيته
رحبت فيها بترحيب مجمل و حار
إلين جاوبني الهاجوس بـ تحيته
عودني يسوق لي وجهه بكل إعتبار
وعودته أفرض على أهل الشعر شخصيته
ماهو يساوم على التأخير والأعتذار
ولايقبل الشك في راسي وفـ حميته
واليا دعى الماقف نوقف على هيته
ياخال نواف لا تزمل ترا العلم صار
هذا بناخيك يا مشعل وذي نيته
من شان حفلك من العام وبراسه شنار
وده يجي العيد لجل يسوق عيديته
وأنا براسي تربع هاجس له وقار
حتى ولو ما تعرف الصوم جنيته
يابو مناحي بمرجلتك تشق المسار
للطيب والعلم والمنصب وجاهيته
الله على الحفل وأنت تجمله بإختصار
اسمك هو اللي يزود في جماليته
مناحي اسم النعم مربوط فنحيته
يالاد ضاوي شعمتو ضوكم فالوجار
امن الفعايل تواقد ماهي بميته
من عزوة تنثني من دون هزع البكار
ظوافرة لاغدا لبليس ماريته
حماية البارق وفعل لنا بأحتكار
المجد لامن وقفنا يضرب تحيته
عبادل يومها مابين قدح وشرار
ياكم عقيد قلعنا تحته عبيته
من روس قوم تعزوا فوق قب المهار
الصاحب تنومسه والعايل تبيته
يوم انها بالسيوف ويوم قصف العمار
ياكم حريب يعود فالس رعيته
مطير ياهل الثلاث المعجزات الكبار
اسم يشوش الفخر دايم على جيته