كلمات حاووز الماي
جدايل سود ع كتافك والله يدلوا
يا دلو الما عرف طعمن يا دلو
ع صدرك سهم للتايه لك يدلوا
تاع وتنهنه بطعم الشراب
شفتا ع حاووز الماي عم بتفض الغسيل
قالتلي وينك يا خي عاوني حمالي تقيله
نطخت تتشيل الحله والشعر ع نهودا مدلي
وانا شو بدي احمل يا دلي وهيي مقابيلي
بعينا تطليعه مجنونه وبعرف نظراتا
ما شالت عينا من عيوني تفرفك دياتا
رميت من ايدا الصابونه قالتلي هاتا
ساعتها غمزتا بعيوني الغمزه الرزيله
نشف ريقي توب الحلوه اللي عم بيلالي
والخصر القاعد عم يلوي يمين شمالي
يا قلبي من الحامض ملوي نستني حالي
يقصف عمرا ملا بلوه منا قليله