كلمات الكفو

الناس ف الدنيا معادن و أجناس
مثل الجواهر و الثمن دوم فيها
البعض خوتهم بها نرفع الراس
والبعض حنا في غنى ما نبيها
بعض العرب تفرق بها قوة الباس
تفرق مواقفها إذا تعتزيها
طبعي اميز كل ذرب و حساس
اللي يحس بضيقة تشتكيها

اللي شموخ المرجله معتليها
مخوته فخرا و عزا و نوماس
كل العلوم الغانمه محتويها
متوارث الطولات ساسن على ساس
و النايفه من هو يشمر عليها
غير الذي له ذكر في كل مجلاس
و الخيل ما كلن قدر يمتطيها
الله حكيم و حكمته بين هالناس
قليل افعال البشر من حكيها
الرجل بالخوه و بالفعل ينقاس
و الكفو دايم خوته نشتريها