كلمات الخيال اللي على بعد سرى

الخيال اللي على بعد سرى
زارني واختارني بين الصحاب
ما عرفته هو حقيقه او كرى
غير اني احضنه واحسب سراب

كل ما اظنه بدى عني يرى
من بيمسك نور او يقبض ضباب
هو درابي او اظنه ما درى
نوره الباهر تبادى لي وغاب

وجهه الفاتن حسن ما ينظرا
بدر لكنه ظهر لابس ثياب
جا صوبي ورغم انه يقدرا
عقب لمسي له على الكفين ذاب

ثم عادت تبتسملي في الثرى
واظهرت عند البحر او في السحاب
وين ما صديت وجهه يظهرا
حاصرني بالحسن حور كعاب
من حسنها البحر طعمه تغيرا
صار منها عذب طيب للشراب