كلمات بنت المها

استبشرت نجد
وانورت حايل باهلها
وهل المطر من جبلها
وهبت هبوب من شمال
جرت لنا السحب الثقال
من مطر ومن ندى
حفلنا ب هاله ابتدا

من يمين ومن يسار
من امام وخلف الستار
ترقبك كل الحضور
والعيون اللي تناظر
تحتري عذب المناظر
من مطر من زهر
من ربيع ومن عطر
بانت هاله قمر

واقبلت بالهون تمشي
والفرح يمشي معاها
وتحتها ورد تناثر
والربيع اللي نبت
بين اياديها تكاثر
عيونها تظهر خجلها
ووردها يبني املها
والابيض اللي كساها
والله ما يزهى سواها
كورال
واقبلت بالهون تمشي
والفرح يمشي معاها
والابيض اللي كساها
والله ما يزهى سواها

والسما تباهت بك اليوم السما
وكن الله من بين السحاب منزلك
وانتي اجمل ما خلق ربي من الملا
وفي حنايا الروح يا روحي منزلك
امشي عل السنين المقبله
خير ومن رضى الله مسهله
وتباهي يا عذبه الحسن الفريد
الله خلقك يا عيوني مكمله

هاله خذت كل زين
من نسب ومن جمال
بنت المها اخت الغزال
مهره ما شيف مثله
ماخذه الحسن كله
وكن هذا اليوم عيد
ما تكرر كل عام
فرحه ببنت الرشيد
كريمه بنت الكرام
حبيبه الخاطر وعمري
لليوم من يوم صغري
عل الهنا ما يفارقك
عل الفرح والسعاده
في حياتك يا حياتي
مع خالد خالده

يا روح ابوك وقلب مها المسرور
يا عين اخوك يا هاله قمر

بابيضك طلي واملي الصاله بنور
مثل خيوط الشمس في وجه الفجر

احيي بخطاويك من تحتك زهور
وارسمي الضحكه على وجيه البشر

وتباهي بحسنك وامشي بغرور
وارفعي جيد كلاه لول ودرر

ما مثل زينك خلايق ولا حور
ابدعك ربي وجاد فيك الصور

يا بنت ابوي اللي لك القلب ماسور
ولا مثل قدرك بقلبي قدر

يا من لها الزين شعب وجمهور
والقمر دون هالته ماهو قمر

عل السنين المقبله لك سرور
ومحوطه بايات ربي والسور
والسما تباهت بك اليوم السما
كن الله بين السحاب منزلك
وانتي اجمل خلق ربي من الملا
وفالحنايا يا روح روحي منزلك