كلمات الله يبري ذمته

الله يبري ذمته
ويسامحه دنيا ودين
اللي كسرني بفرقته
بعد المحبه والحنين

ومن كثر روحي حبته
خايف تطوله دعوتين
من قلب ضاقت دنيته
ويصير بين الظالمين

وما اقدر اشوفه في عذاب
حتى ولو قلبه ظلمني
ما ابي يجي يوم الحساب
ويصير ذنبه انه كسرني

الله يغفر زلته
و يغفر ذنوبه اجمعين
اللي حرمني شوفته
وخلاني من دونه سنين

مسموح مهما طعنته
صابت حشايا والوتين
ما تهون عندي عشرته
مهما كوى قلبي الحزين

انا اعشقه وعشقه صواب
واسامحه مهما هجرني
يا الله يارب السحاب
لا تبعده ابلحظه عني