كلمات الزمن قاسي

مادام ان الزمن قاسي
ومدات الليالي شحاح
ترا ما للفقير الا يمد أيده لخلاقه
وانا من فضل ربي عشت
في وقت العنا مرتاح
والى جار الزمن ماقمت احاتي نوض براقه

لون قفل الزمن ماله
مع بعض العرب مفتاح
تشوف الناس مابه واحد طعم السعد ذاقه
ما دام اني على احسن مايرام وخاطري منساح
فموضوع الزمن مافيه داعي نكشف اوراقه

رعاك الله ياللي طال صبري لين سدي باح
وقلبي في يدك بابه ومفتاحه ومغلاقه
اسوق الرجل واقدامي على درب الغلا سراح
وقلبي في غلا حضرة جنابك ماحد عاقه

عطيتك من بعض روحي على خبر القلوب صحاح
وبديتك على نفسي بشيء يصعب انفاقه
وفي كسرة عصا تزعل وتحرق شجرة التفاح
وتكوني على الضلع القصير وتنضج احراقه

تعال وعالج جروح الحزين وكل شي راح
وتعال وجدد امالك ترى الايام سراقه
سرقت القلب واثرك معتبرها سرقة المزاح
حد شافه ضحك وان ماحد شافه رقع ساقه