كلمات بحريني بامجادي
✍️ كلمات: يونس سلمان
🎼 ألحان: نزار عبدالله
بحريني بامجادي بعزومي وامالي
بحريني بعشقي وبنخوه افعالي
يفخر بي الماضي يزهر بي الحاضر
لاجل الوطن اهديت كل عمري واعيادي
بحريني والطيبه مزروعه باحساسي
في ديرتي افخر ودوم يرتفع راسي
طول العمر اقسمت اني اعمرها
للعز والعليا ما ينثني باسي
بحريني والبحرين امي واداريها
اللي رعتني سنين محال اوفيها
ببقى لها غيمه تحمل بشاير خير
ما تضمي بلادي وانا المطر فيها
بحريني والتاريخ يشهد بفزعتي
للحق صرت دروب ومديت خطواتي
ما تهزني الشدات وانا اسمي بحريني
مثلات نجم سهيل تنبان وقفاتي