كلمات تحن لمين

تحن لمين ياقلب وقفت بضفه التحنان
قصير العمر لو طال الوقوف وطالت الحيره

تحن لمين علمني ولو ما للحنين لسان
تحن ل وقت والا ناس والا شارع وديره

غريبه ماتعبت من السهر ومرافق الحرمان
ولا هدك يباس عروقك امن الحزن والغيره

حنينك للحبيب اللي ترك لك في الجفاء عنوان
ظلام يشبهك صمته وتشبه لك مشاويره

حبيب كل م انسى اسمه شكرت الوقت والنسيان
وليا مني ذكرته قلت خيره والجفاء خيره

حبسني في الظنون وصرت انا بين اربعه جدران
وكساني ثوب جرح ضاقت الدنيا ب ازاريره

خسرت الحب واسباب الشغف والضحك والسلوان
وكسبت الصمت واحساس غريب وصعب تفسيره

انا برحل عن الماضي وابا انسى كل شيء كان
واذا مامت من جرحي ترى بموت من غيره