كلمات عيون الشوق
✍️ كلمات: الخود
🎼 ألحان: صلاح الزدجالي
دخيل الله لا تسال
عيوني ليش سهرانه
عيون العشق لو نامت
عيون الشوق مفتوحه
اداري ما خفى قلبي
وروح الروح ولهانه
ولا اقدر اداري لهفتي
والعين مفضوحه
لقلبي سر وعيوني
تبوح بكل وجدانه
وتفضح لك فرح نبضه
مثل ما تفضح جروحه
احبك يا ضيا
عمري وازهاره والوانه
رسمتك عشق لا يوصف
وصرت لعالمي لوحه
احبك كثر ما جاد
السحاب و هل هتانه
واحبك كثر ما باح
الشعر واستعذبك بوحه
يا اوفى الناس واغلى
ما وهبني الرب سبحانه
دعيت الله وابواب
السما بالخير مفتوحه
يا قلب الخود واحساسه
يا حب احيا على شانه
يا نبض الحب وشعوره
ويا قلبه ويا روحه
عيونك وجهتي والقلب
يلقى فيك عنوانه
ولك في خافقي قصر
الغرام امعلي صروحه