كلمات خال الشيوخ
المدح طوله اذا ينقال في هب ريح
من هبة الريح ياب بروقه ومرعده
أنا بعيد المزامل لو ع بحر نضيح
اللي يبي الجزل يسبح غبت مبعده
على خميس السويدي السلام الصريح
سلام شاعر حروفه بالثنا اتردده
من بعد أذنه بيوت معنونه بالصحيح
باعدها في مقامه باسمه مقلده
بو سالم ايحلها لو كانت معقده
ايقول هاتو الصعيبه وقابلون الرويح
وان سدها خاز ما يبغي احد ينشده
لله در السنافي الهمام اللميح
النادر الكفو طلق ايمين من مولده
إذا تبادى السويدي يستقيم المديح
ويخاشمه العز والتقدير صافح يده
هذا السويدي معرب مورد هب شحيح
الأصل والفصل والأمجاد متسيده
للقاسمي مستشار وروز عقلن رجيح
خال الشيوخ وجميله محد ايعدده
سعادته يوم يجبر خاطر ويسعده
عليه عقد المشوره راي عدل صريح
ونعم السويدي خميس العالم اتأيده
ياما قصده الدخيل وكم قصده الجريح
يلين شفت الخلايق كلها تقصده
ان مد كف المكارم غاث كون فسيح
ما كنه إلا هلال العيد ونعايده
الحازم الصعب لكن طيب قلبه سميح
الله تعالى يحبه وفالبشر ودده
ما يوفي حق السويدي النبط والفصيح
واذا تصاغ القصايد باسمه متمجده