كلمات Valentina
فالنتينا
فالنتينا
مفهوم الراحة عندي
ملغي كاني ماكينا
بعز البرد دمي بغلي
زي شطة فالنتينا
بذبح زوس بعلن حربي
على اريس و اثينا
بداين فلوس لبلوتس
و بسامحو ما علينا
طول عمري متربي على انو الناس سواس
طلعت كلمة باكثر من مضمون سميها جناس
في الي بثمة معلقة ذهب وفي الي عاض عسلك نحاس
في الي تربى عالبان كيك وفي الي نفطم عالغماس
و احنا قد ما بزيد عنا هموم متوزع بكياس
من قوة الخبط و الطرق و عالراس
و من شدة الضغط صرنا بصلابة الماس
هذا وصف حرفي مش تشبيه او اقتباس
فبطلع اسبح بالفضاء بدون ما اكتم الانفاس
ففكرو بمعاش فوق بعدين عرفوني مش مقياس
اكبر قدر و قدرة من اني بمعاييرهم انقاس
طول ما المستحيل مش في بقاموسي بالاساس
و مفهوم الراحة عندي
ملغي كاني ماكينا
بعز البرد دمي بغلي،
زي شطة فالنتينا
بذبح زوس بعلن حربي
على اريس و اثينا
بداين فلوس ل بلوتس
و بسامحو ما علينا
بقطف روس بايدي كانها فاس او حصادة
بسلخ الجلد و بعمل من جماجمهم حصالة
قلي ابوي بقاص الرجل باعماله و خصاله
فحط بذاني حلقين الفراسة و الاصالة
الفراسة انك تعرف ما بالباطن من الطبائع
من نظرة تكشف شو بخبي المنظر من فظائع
تعرف مين عينو مليانة ومين يميل مع الوزائع
فعرفت انقي صحاب بظري باشد الوقائع
وللاصالة معنين جودة الراي و العراقة
تعرف توزن حكيي و مرات تتجاهل الحماقة
ما تنسى تراثك مسقط راسك حتى الحرارة و الزقاقة
وحقك بتجيبو بايدك بحال ما اجاك بالباقة
و مفهوم الراحة عندي
ملغي كاني ماكينا
بعز البرد دمي بغلي،
زي شطة فالنتينا
بذبح زوس بعلن حربي
على اريس و اثينا
بداين فلوس ل بلوتس
و بسامحو ما علينا
فالنتينا
فالنتينا