كلمات وحياتك يا حبيبى

وحياتك يا حبيبى .. ريح قلبى معاك
غلب الحب معايا .. و تعبت و تعب الشوق وياك

ماتفوتنيش انا وحدى . افضل احايل فيك
ماتخليش الدنيا تلعب.. بيا وبيك
خلى شويه عليا.. و خللى شويه عليك

عمر هوانا بيجرى بيجرى . شوف راح منه كام
ساعة شوق و محبه و شهر بعاد و خصام
و يبئا الحب تايه مش عارف احنا فين
زى المركب ما تبئا محتاره بين شطين
لكن ل امتا يا عيونى انتا
نبئا حبايب و مش حبايب . لحد امتا

و بارجع تانى واقول لك ريحنى الله يخليك
عشان المركب تقدر تمشى بيا و بيك
ماتفوتنيش انا وحدى . افضل احايل فيك
ماتخليش الدنيا تلعب.. بيا و بيك
خللى شويه عليا.. وخلى شوية عليك

الليل . الليل. الليل
الليل بدموعه قاسى . و ياويلى من ساعته
و الصبر لسه ساكت و ياويلى من سكاته
يوعدنى بفرحتى و استنا بضحكتى
زى الورده ما تبئا مستنيه الندا
و تغيب و تفتكر . و تجينى و تعتذر
فين القلب اللى يقدر يستحمل كل دا

و بارجع تانى و اقول لك ريحنى الله يخليك
عشان المركب تقدر تمشى بيا و بيك
ماتفوتنيش انا وحدى . افضل احايل فيك
ماتخليش الدنيا تلعب.. بيا و بيك
خللى شويه عليا.. و خللى شويه عليك