كلمات على يوم ماخدونى الجهاديه

على يوم ماخدونى الجهاديه..... وقرايبى يبــكوا حواليا
شافونى لابس بدله جهيدى.....والبندقية شايلها فى ايدى
ابويا قاللى عاجبك يا سيدى ... مارضتش تودى البدليه
جابوالى ابنى اللى بيرضع ....بوســـته وعيونى بتدمع
وقلت له يابنى اســـــــمع .....اوعى تأثر فيك حنيـــــه
وانا لسه باودع على مهلى ....سمعت البورى بيندهلى
نسيت ابنى وبقيت اهلى .....خدمة وطنى واجبه عليا
يا امى ليه تبكى عليا ......وانا مســـافر الجهاديه
كنبوك بياده ولا سوارى ... ولا نفـــر فى الطوبجيه
قولى على كلمه تشجعنى ... وخلى اهـــــلى تودعنى
وادعيلى ربى يرجعنى .....ومش ضرورى البدليه
ليه يس حاتطاوعى شفقتك ....وتشترينى وتبيعى صيغتك
لو انتصرنا تقيمى رايتك...وتكونى اول وطنيــــــــه
ضرب المدافع فى الميدان ...زى الكمنجه والعيدان
دى الحرب مخلوقه للشجعان ...والصيغه تليسها وليه
نوم السراير للعاشــــــق ..اما احنا نومنا فى خنــــادق
نعمل مخداتنا بنــــادق....فرش وغطا بطانيـــــــــــــه
ساعة الخطر ننسى ارواحنا ...نطوى العدو تحت جناحنا
نفدى وطنا بارواحنا.......وآدى اســـــــــــــاس الحريه
نقسى احصل يوم ظابط ....فى وسط الطابور ابقى رابط
صفى ويوزباشى قابض ....اخدم بلادى المصريه