كلمات ايه يا دنيا

ليلي يا ليلي يا ليلي يا يا عيني
يا ليل يا عيني يا ليلي يا ليل

معرفش إيه إللي جرالنا بقينا ناس تانية
معرفش إيه إللي جرالنا بقينا ناس تانية
غيرتي فينا كل حاجة حلوة يا دنيا
آه غيرتي فينا كل حاجة حلوة يا دنيا

قوليلي الناس بقى مالها
ماتت فيها آمالها
إللي أنا يا ما جريت في وريده
سابني غريق وما مدش إيده
وإللي أنا قايد شمعة عيده
قبل جراحي بدلها

قوليلي إزاي أحبابنا
ما بقتش تخبط بابنا
محدش بقي بيحس التاني
كله حاسبها لعبها أناني
حتى أعز الناس يا زماني
عشقوا وحبوا عذبنا

كل ما سنة من عمري تعدي
الناس بتقيد لي شموع شموع
أفضل أمثل دور الفرحة
وقلبي بيبكي دموع دموع

قوليلي إيه إللي جرالنا
وإزاي للحال ده وصلنا
القادرين كانو دايمًا يعفوا
والغلبان بنحس بضفعه
كنا بندي الخير ونضاعفه
للي إيديه بتوصلنا

بقى كله خلاص مش همه
بيدوس على ناس من دمه
كله يا دنيا عايشها براحته
والكداب بنحي صراحته
وإللي يلاقي معاك مصلحته
بتبقى يا عم عمه

كل ما يوم من عمري يعدي
وكل ما يوم بيروح (بيروح آه)
ألاقيك جاي يا بكرة جايبلي
آلام وهموم جروح (آه جروح)

أنا حاسس إني ماشيكي
زي المتغرب فيكي
شايف الدنيا اتقلبت غابة
كل ما فيكي وحوش وديابة
غاوية تعلي في ناس كدابة
وبتوطي إللي شاريكي

بقوا كل الناس الخاينة
مبادئهم واضحة وباينة
بيموتوا إللي اختشوا من العيبة
ويعيشوا الخونة اللعيبة
كتر الشر وغلب الطيبة
وتحيا العيشرة الهاينة

حتى اللي صديقي وصاحبي
وأعرفه من وقت ما بحبي
كان مقاسمني في عيشي وملحي
كان ملازمني في ألمي وفرحي
لما زماني بلاني بجرحي
أول واحد طاح بي

بقى سهل نبيع ضمايرنا
ومبنقدرش كبيرنا
محدش بقى بيهمه العِشرة
إللي دهب بقى فالصو وقشرة
مهما نقيد صوابعنا العشرة
كله بينكر خيرنا

بقيت كل إللي بقابله بيشكي ويحكي ويبكى جراح (جراح جراح)
كل كلمنا زمانا الالمنا سرق أيامنا وراح (وراح راح راح)