كلمات الحب الصحيح

كم بشلّ وكم بخلي من هوى سيد الملاح
والله اني موت احبه وهذا هو الحب الصحيح
فايق بْوصفه و زينه وكل شي عنده متاح
ومنّه اتغار الغواني و الدماني والوضيح
كالقمر اسما بنوره و طلّته شمس الصباح
ان حضر في ارض قفرا تنبت اخزامى ويفيح
لو بعيد ولو مسافر قلبي دونه ما استراح
شوفته تسوى حياتي صاحب الوجه المليح

سعد قلبي يوم حبّه و بالمحبه ما أبيح
اخاف من عين الحسودي شرها ضربة رماح
ما تخاف الله وحكمه ودّهم تبقى جريح
الحياه اللي اجمعتنا كلها سعد وفراح
ما توفيه القصايد في النبط وإلا الفصيح
الوفاء طبعه وطيبه من شذا لورود فاح
صادق بقوله وفعله مالك القلب الصريح
يا عساني ما خلا من شوفته سيد الملاح
له فدا روحي وعيني وهذا هو الحب الصحيح
معلومات الاغنية
سعادة ناصر بن مفتاح الشامسي

ألحان وتوزيع موسيقي:
ابراهيم السويدي