كلمات مطلاع

جهزو لي بشت واعطوني اعمامه
سايق قافي على شيخة قصايد
شاعر يقضب مع الشعار زامه
وان لقى زود الرياجيل ايتزايد
مانبيع الشعر يابايع كلامه
ومانفع معك المجامل والمهايد
مات ابن عباد ماباع النعامه
والنعامه تدحم اجموع البدايد
للنشاما هامه وللشعر هامه
كلها تنفع قويين العمايد
وان تلقاك ابن عمك بابتسامه
والله انه ابرك من ايام المعايد

يامحزمة القنازع فـ الشدايد
من طمع فينا تعشاه الندامه
نسهجه بالخيل وايشوف الزهايد
سعد من صرتو على الدنيا احزامه
لابة لا جا المواجه ماتحايد
وانتهى ليل يجرينا ظلامه
وابتدا صبح عن الجهال نايد
والمزاين من يخالف عن نظامه
وسدوه العلم ماعاد ايتجايد
وان حضرنا مانقدم غير قامه
حر امضرى على العليا وصايد
حط لك في فردي القعدان شامه
يا ابن جوفان اجعل الفردي وقايد
يا ابوعبدالله تعدتك الملامه
لاتخليها لهم يا ابا العوايد
قلط المطلاع يامال السلامه
اسم ينومس وسيعين البنايد

وان عرض كنه مع القعدان قايد
طول غاربه انفهق منه سنامه
وارقبته ادقاق زاهية القلايد
علم اهل الشعل قافيهم قيامه
والفوايد ذا السنه مابه فوايد
اشعل معنا يبي ياخذ وسامه
مايشوف أهل المهابد والمزايد