كلمات عازف الناي
يا فكري المحموم ما اضيق مجالك
ما هز فيك مطرب ولا عازف الناي
سريت مع همك وفي ليل حالك
والهم غطاني من اقصاي الى اقصاي
ضاقت بعيني واسعات المسالك
يوم اندمج حبي بطيبه نواياي
جرحت قلب بالمحبه سعى لك
يوم اعتبرتك كل كوني ودنياي
مثلت له حبك وبالحب جالك
ويقولك امر على الروح مولاي
قدمت روحي في المتاعب فدالك
اطلب رضا نفسك ولا همك رضاي
صحيح انك ايه في جمالك
وانك عيون داي يازين ودواي
واني حبيبي ماتعوض بدالك
وانك هوى بالي وشفي ومناوي
انا رفعتك لين غرك دلالك
وجرحتني حرج بخفى الروح مخفاي
اصد صدمات الزمن لا تنالك
وانت بصمتك تشعل النار بحشاي
اشعل شموعك واترجى وصالك
واتخيلك من وين ماصد وياي
نضحك واشرح شوق قلب صفالك
واحسبك بليلي المعتم ضياي
فجاه ولاني ساهر مع خيالك
او كان شخصك خارج من حناياي
هل كيف تنسى في الهوى مامضى لك
يالين صرت اليوم في البعد منساي
اصيد وافك بيديني حبالك
والعب بشخصك لعبه الطفل بالماي
لا صرت تنوي الهجر والا طرى لك
نذر علي اجنبك وابعد خطاي
ماكان ودي غير يا احمد اشحالك
او اي كلمه غيرها ماعدى باي
اقفيت وعيوني تخايل زوالك
وكلمه وداع الله نامت على شفاي