على كثر الكلام اللي بصدري ما قدرت ابوح وقف كل الكلام اللي بغيت بطارف لساني عجزت اسج واسلى عن غرامك ياحبيب الروح يا كيف انسى تفاصيلك غلاك وقلبك الحاني يابو طبع رضي وخف نفس وخاطر مسموح هقيتي باني انسى كيف بنسى اعز خلاني نسى الله من نسى وجه العنود الباهي المملوح نسى الله من نسى حس العنود الناعم الهاني يبين الشوق والذكرى على وجهي وانا مفضوح احسب اني بخفيها عن العالم ولا امداني على كثر الكلام اللي بصدري لو قدرت ابوح بتحكي لك عيوني ما عجزت احكيه بلساني