كلمات غلاف الجو
شجاع شگد يكرهونه
يعثر كون يريدونه ولچن ماعثر
يحضر كله كاريزما
يسبب للزلم ازمة يضم روحه الگمر
يا كلش نادر وفرصة الاخيرة
تحير الناس ترجع تستشيره
يا محبوب الزلم يالكله غيرة
يا حيرة على الفساد شلون حيرة
يقلدونه ابد ماواصلينه
يا سور الديرة يا باب المدينة
يا فطرة وعالمراجل حابينه
يا ريس گوم يالحاكم علينا
هذا السيد مقتدى هذا شارة والده
الشاردة والواردة كلها صفت بچفوفه
هذا كابوس الحرب بنار كبره ومن يطب
بالسلم ويه الحرب مافكرينا نعوفه
يابوي علم ديرة
بالمريخ تأثيره غلاف الجو عبر
ينشر كون تغريدة
يجر الكوكب بإيده يا ناقوس الخطر
يا باصم بالحرب بصمة مراجل
يكرهك لا شرف لا دين شايل
يا شيخ وماحوت مثله الحمايل
ال يعيل وياك اذا بالموت عايل
اي صگر صياد يالبيك الكفاية
تضم الروس اذا تشوف الحيايه
يا بحر وما نگص بالزاد مايه
يا راية ومن ترف تنهي الرواية
هذا السيد مقتدى هذا شارة والده
الشاردة والواردة كلها صفت بچفوفه
هذا كابوس الحرب بنار كبره ومن يطب
بالسلم ويه الحرب مافكرينا نعوفه
فدوة لمشيته وطوله
كلهم فدوة يرحوله الماي وي الهوه
يفرض عالزلم هيبة
للمصيوب بگليبه يوصفونه الدوه
اخذلك زلمة عنده الجيش حاضر
يصير اللي يريد اعتبره صاير
يمون ابن الاسد ليث المنابر
يگول شمايريد انگله تأمر
يا خارطة الوطن والراية والسد
يا منقذ الدين من الحالة تشتد
يا خط المستقيم الواصل ابعد
لو ان تدري يا غالي نحبك شگد
هذا السيد مقتدى هذا شارة والده
الشاردة والواردة كلها صفت بچفوفه
هذا كابوس الحرب بنار كبره ومن يطب
بالسلم ويه الحرب مافكرينا نعوفه