كلمات حروف الوطن

امْطِري يا حُرُوفَ الْوُطَنْ بِالْمَحَبّه
واغْرِقِي كِلْ جُحُورَ الْفِتَنْ في ضَحَلْهَا

عَلّميهُمْ أُصُولَ الْوُفَا الْلِي تِرَبّى
في شِجَاعَةْ مَلِكْ وَحّدَ ارْضُ وحَكَمْهَا

جَدّدِي كِلْ عُهُودِ الْوَلَا الْلِي تِغَذّا
مِنْ طَهَارَةْ بِيُوتَ الْلَه وَالْلِي خَدَمْهَا

سَمّعِيهُمْ رُعُودٍ صَدَاهَا تِعَلّا
مِنْ حَنَاجِرْ تِهِدْ مِنْ تِحَدّا وطَنْهَا

رَدّدِي كِلْ مَعَانِي الْغَلَا في قِصِيدَه
في المَعَالِي بِلَادِي تِبَاهَا عَلَمْهَا

غَرّدِي بسْمِ سَلْمَانِ غَنّي نِشِيدَه
عَنْ عَدَالَةْ مَلِكْ عَزْ بِلَادُ و رُفَعْهَا

واكْتُبِي عَنْ مِيَادِينِ نَصْرٍ عَدِيدَه
عَنْ وِلَايَةْ عَهَدْ عَنْ مَحَمّدْ بَطَلْهَا

وابْشِرِي في مُوَاعِيدِ مَجْدٍ جِدِيدَه
في حِكَايَةْ بَلَدْ إسْمِ رَبّي حَفَظْهَا