كلمات عشقي سعودي

سميت بالله ثم أصلي ع النبي
من ثم أقبل راية التوحيد فال

عشقي سعودي غصب ع اللي ما يبي
الهامة هامة والركايز من جبال

اشد ظهري بظهركم ماني أجنبي
انتم عيال العم و للراس العقال

المملكة عزي وراسي ومكسبي
عبدالعزيز اللي مورثها لرجال

لو كف هالدنيا ذهب وش مطلبي
بطلب يصافح كفها صحراء ورمال

وإن إشرقت هالشمس من عيني اقربي
نورك حليف شرف سيوف ونصال

ماحد وصلها إلا ويرجع حبي
إما محبة ولا خاسر في القتال

أنا بخيل إن قلت هي أمي وأبي
وانا حظيظ إن هي اللي قالت لي تعال

يالمملكة اعشقك من صغري وابي
يشهد مشيب ما ترك حبك محال

من قال أحبك فز له كل عربي
ما هو لحالك كلنا يا ابن الحلال