كلمات عن الغيمة An Al Gheemah

عن الغيمة ليا غطت سما هذا الحنين احكيك
عن دموع تحسب الارض تورق لا ارتمت فيها
عن اللي منكسر لجل يتلاقى مع ظلال ايديك
عن اللي كل ماضاقت حروف اسمك يغنيها

انا ذاك الحزين اللي بكى يرجي تقول شفيك
ابي انزف من عيوني سوالف كنت اداريها
ابي تتذكر سنيني وتاخذني الى ماضيك
ترى المستقبل اتعبني ولاادري ايش تاليها

تاخرت وذوى قلب هلك من حر ما يطريك
مسافات اللقى طالت عليه وهو يخطيها
دخيلك لو نويت ترد رد احلام عمري فيك
ترجع روحي لروحي قبل تصعد لباريها

تعال ان كان ماتدري لغيرك ماقدرت اشكيك
انا محتاج تسمعني جروحك لا تبديها
تعال وطمن احساسي طلبتك الله يخليك
ملامح وجهي في بعدك سمار الهم يغشيها