كلمات ارابيسك ( تتر البداية )
وينفلت من بين ايدينا الزمان
كانه سحبه قوس فى اوتار كمان
وتنفطر ليام عقود كهرمان
يتفرفط النور والحنان والامان
وينفلت من بين ايدينا الزمان
الشر شرق وغرب داخل لحوشنا
حوشوا لا ريح شارده تقشقش عشوشنا
حوشوا شراره تطيش تشقق عروشنا
وتغشنا المرايات تشوش وشوشنا
وتهيل تراب ع الهاله والهيلمان
وينفلت من بين ايدينا الزمان
الغش طرطش رش ع الوش بويه
ما دريتش مين بلياتشو او مين رزين
شاب الزمان وشقيقى مش شكل ابويا
شاهت وشوشنا تهنا بين شين وزين
ولسه ياما وياما ح نشوف كمان
وينفلت من بين ايدينا الزمان