كلمات عبدالله يا اخويا سماح
✍️ كلمات: حسن ابو عثمان
🎼 ألحان: بليغ حمدي
يا عبدالله ياخويا سماح
وسيبك من اللي عدى و راح
و تعالى نعيش انا وانت في دنيا كلها افراح
وسيبك من اللي عدى و راح
يا عبدالله ياخويا سماح
وسيبك من اللي عدى و راح
تعالى نفتح الشباك على الدنيا اللي جايه هناك
على النسمه على البسمه على بكرا و انا وياك
تعالى نكسب الايام و نمشي خطوتين قدام
تعالى نعيش انا و انت في دنيا كلها افراح
وسيبك من اللي عدى و راح
سماح واهل السماح حلويين
وتعالى نقطف الياسمين
دى مره اللقمه فى الوحده
وحلوه لو كلوها اتنين
تعالى نكسب الايام
ونمشى خطوتين قدام
تعالى نعيش انا وانت
فى دنيا كلها افراح
وسيبك من اللى عدى وراح