كلمات ما تغير شي

ما تغير شي
الليل هو الليل
و الضي نفس الضي
من درا بجروحي
او فراقي لروحي
احبسي دمعك عيوني
و اضحكي و انسي
ما تغير شي

شوفي انوار المدينه
ناظري كثر الزحام
اه يا عيوني الحزينه
مرت الفرقى بسلام
كنت اظن الكون يوقف لافترقنا
من درا حنا كرهنا او عشقنا
امسحي دمعة عيوني
و اضحكي و انسي
ما تغير شي

كنت اظن الحب اجمل
من سهاده من نحول
ماهو وردة حب تذبل
لما تتغير فصول
في وداعك كنت محتاره و حزينه
خايفه ابكي و تبكي هالمدينه
امسحي دمعة عيوني
و اضحكي و انسي
ما تغير شي