كلمات القلوب العاشقة

‏قال وشلون القصيد  وسال قلبي من مقرّه
‏وأنا شاعر ما يطيع الناس وأحساسه يطيعه

‏قال كم مره تعلقت بـ حبيب ؟ وقلت مرّه
‏أنت لا قبلك ولا بعدك وصال ولا قطيـعه

‏يا حبـيبي والطريق  اللي خـطاوينا تمرّه
‏سجتي فيه ومشاويري معه صارت طبيعه

‏يا حبيبي والقلوب العاشقه  ماهي بـ حرّه
‏لا يموت من الدهر قلبي وضحكاتك ربيعه

‏يا بعد من حـط في قلبي  هداياه وصـورّه
‏وش تبي في الضيق وعيونك خلقها الله وسيعه

‏ليت ما لـ اقدامنا على خطوط  الارض جرّه
‏والاماكن مالنا فيها  شفـيع ولا شفيـعه

‏من جفيته عقب ساعات الوصال المستمرّه
‏بـ يعرف كيف القلوب تشيل ما لا تستطيعه

‏ما بقى الا الذكريات  الماضيه حلوه ومرّه
‏أشتر اللي تشتري  منها وبيع اللي تبيعه