كلمات بخاف افرح
انا وسط الدنيا الكبيره
انا بحس اني ماليش مطرح
انا بفرح ناس كتيره
وانا بقيت دايما بخاف افرح
تعبت اشكي
تعبت احكي
تعبت اشرح
بايه الشكوي هتفيد قلب متجرح
تعبت اشكي
تعبت احكي
تعبت اشرح
وانا الورده اللي دبلت قبل ما تفتح
و في الاخر انا
حياه و انا استسلمت ليها
سنين و انا مضطره اكملها
حياه و اللي اتعود عليها
بقي ما يستغربش عمايلها
فضلت ازعل
فضلت احزن
ماحدش قاللي معلشي
من الاخر بلاش احسن
يبان الحزن علي وشي
تعبت اشكي
تعبت احكي
تعبت اشرح
وانا القصه
وانا الجمهور
وانا المسرح
وانا الصوره اللي مكسوره في بروازها
و لا حاجه
من الاتنين
بتتصلح
و في الاخر انا