كلمات يوم الأثنين الضحى

يوم الأثنين الضحى شفتِ لى غروٍ عجيب
تَحْسِبْ إنها حَقِقَتْ بى وأنا ما أشوفها
لا سقىَ الله سدرةٍ غِصْنها غِصْنٍ رِطيب
حَدْرها شِقْرِ الذِوايب تِفِلْ زْلوفَها
يا ثلاثٍ بينهن شاقِنى مُهْرٍ عريب
بادِ حيلى يومٍ قَفَتْ تِفِلْ رْدوفَها
أحمرٍ نَفْنوفَها وِالعَباةْ من الكْريب
ما تِمَيِزْ صِبْغَةْ السَّاق من نَفْنوفَها
شالها عصر الصِبا والغَذا بيض وحليب
لو تِجيسْ الوَرْد يا سعود ضَرْ جْفوفَها
ما تَعَنَتْ للحَطَبْ والرِشاَ فوق الجِليب
دايمٍ مَخْدومةٍ والعبيد تْحُوفها
عِلَة الفنطاس ما يِبْتصر فيها طبيب
من عيونٍ بالمْخَازَرْ تِسِلْ سْيوفها