كلمات مني الخطأ –
من غبت عن عيني وقلبي ماعطا غيرك قبول
وشلون لو عادك معي ، ولا خسرتك من يدي
انا اعترف مني الخطأ واخطيت في حقك وأقول
ضميت من بعدك وصار القلب قفرٍ جرهدي
مع كل خطوه في غيابك عوقٍ وضيم وذبول
من وافي شعورك تعال آخاف لاموت وحدي
ماكنه الا فِي إقدمي اغلال واثقال وحجول
سعيت لجلك بعتذر يااليين هديت اجهدي
صرت اجمع الهقوات وآقول البطا يوم بيزول
عل وعسى يارب لطفك مرتجي منك الهدي
هذا شهر عدا بعيني كن بالحسبان حول
مريت بفصول السنه للحين ماشفت ابردي
لك حق مني و العذر احيان ماكان الحلول
وش عاد باقي في يدي ماغير هالحظ الردي
انا اعترف مني الخطا واعيد واكرر وأقول
ضميت من بعدك وعاد الدرب لجلك جرهدي