كلمات ماشيه ازاى Mashya Ezay

مش عارف ماشيه ازاي
انا اقولك ماشيه ازاي
زي السكر في الشاي
مش عايزه ذكاوه

تشغيل مخ وتفتيح
ونفاق واضح وصريح
تلقى الخايب والميح
ماشيه معاه حلاوه

من امتى كانت ماشيه اصول
علشان تستغرب وتقول
ليه مكاني خده واحد غيري
مش شاطر ولا عنده قبول

ماشيه بضهرها عكس عكاس
ملهاش معيار ولا مقياس
وهو كله بيرزق واهي ماشيه
والسالك فيها الهجاص

بس انا متفائل والله
وعندي امل في الله اوي كبير
ان انا طول مانا فيها بعافر
بكره هيبقالي شأن كبير

بيجيلي آه إحباط أحيانا
وبحس ان مفيش تقدير
بس بقوي عزيمتي واقول
كل تأخيره وفيها خير

الشاطر بيحاربوه
والناجح بيهدوه
والفاشل بيجاملوه
علشان بيطبل

توصل يتلموا عليك
ويسقفوا جامد ليك
غير كده كله بيديك
ضهره ويستهبل

بخت ورزق وحظ أكيد
بس المؤسف بالتأكيد
اللي بيتعب علشان يوصل
مش لاقي اللي يمدله ايد

هو الحظ دا نظره ضعيف
مش شايف غير دول وكفيف
طب مافي ناس في الصخر بتنحت
والناس شايفه وجودهم طيف

بس انا متفائل والله
وعندي امل في الله اوي كبير
ان انا طول مانا فيها بعافر
بكره هيبقالي شأن كبير

بيجيلي آه إحباط أحيانا
وبحس ان مفيش تقدير
بس بقوي عزيمتي واقول
كل تأخيره وفيها خير