انا اللي حياتي عاندتني وطول الوقت ظالماني تملي الدنيا تمسكني من الايد اللي وجعاني ورغم دا كله انا واقفه وبسند ضهري لو محني عشان عارفه اني لو هضعف في مليون ايد حتدبحني وبياعه ومتباعه وعايشه في دنيا خداعه بتجبرني اغير كل يوم في قناع وتبقى ليا ميه صوره قويه بس مكسوره انا السكه اللي فيها نجاه وفيها ضياع انا اللي بعيش مع خوفي ومن جوايا مهزوزه ورغم عذابي وظروفي في ناس بتشوفني محظوظه في ناس بالحب وعدتني ووقت الجد صدموني انا اللي تعبت وبنيتني ومش هقبل يهدوني