كلمات بعد فرقاك
طالت مساريي على لوم وعناد
ووجاع ذكرى بين فقد وغبينه
اصبر لون صبري بهاالعلم مجاد
مغير اكابر والحنايا حزينه
من لي سنه وشهور والقلب ماهاد
أتقول ضاربته رماح سنينه
كله من اللي حبه بداخلي ساد
ماغير قلبي والفكر تابعينه
الا طيوفه في خيالي سكينه
بعد فراقه لهاب الشوق وقاد
والقلب من فرقاه بيح كنينه
باقي غلاه وراح يبقى ويزتاد
وروح بين يديه صارت رهينه
حبه بوسط القلب ثبت له اوتاد
حبن مايمحاه الزمان وسنينه
منساه لا واللي خلق سبع شداد
لو كان ماللوصل شوفه وعينه
ومعاد باقي لي من الحب معاد
الا جروح وسط صدري دفينه