كلمات ليه تتركني

ياحبيبي والمشاعر فاقدة كفَّ الحنانْ
وين رايح لاتوادعها تجمَّل ياجميلْ
لجل حبّك كم تجاهلنا قيود الإتّزانْ
لجل عينك كم تعدّينا حدود المستحيلْ
جيتني شيٍّ جميلٍ واعشقه من يوم حانْ
جيتني حبٍّ عظيم بروعته ماله مثيل

ماهي بحاجة لجل تاثق على أيّةْ دليلْ
الغرام اللي جمعنا حافظه حفظ الأذان
والوداع اللي سلبني أكرهه كره الذّليل
وكره الآتي وخاف الذّكريات اللي تبان
وعشق العزّة ولو كانت من اسباب الرّحيل
ليه تكسرني ونا عشتك ثقة وبعنفوان
عشتك الحبَّ الفريد الأوّلي ماله بديل
ليه تتركني كذا شخصٍ على مرّ الزّمان