كلمات جنون
امس الضحى صادفت بالسوق مزيون
غر شرى بدر السماء يشع الانوار
جنون و الي شافه يصيبه جنون
يحتار فيه القلب و الروح تحتار
سلم و حياني و سحرني بالعيون
و اردف تراحيبه مثل نف الامطار
رديت يا اهلا و مرحبا بك ترليون
من وين هذا الزين يا شمعه الدار
قال المحبه نورها ينور الكون
و انا محب ساقته معك الاقدار
قلت امر و مطلبك مقضي و مضمون
السوق تحت امرك و تفداك الاعمار
ثم ابتسم و عروق قلبي يغنون
في حسنه و طيبه من اللهفه اشعار
قال العذر يا سيد الحرف بالهون
شوفك غناه و وقفتك تبهج انظار
اجمل هديه عندنا لو تعرفون
سوالفك يا صفوه الناس الاخيار
ثم ودع و عيني و روحي يردون
يا ليتهم معنا يمرون زوار
القلب له مفروش ف الدرب و يمون
يامر و ينهى كيف يبغي و يختار
خذني بعيدا و المحبه لها فنون
لين الشعر جرى معي جري الانهار