كلمات سحر البيان
مابين سحر العيون وبين سحر البيان
جسرً عليه الاماني تستعيد .. الثقه
ماعاد هي بالشفوف يجيبها العنفوان
والغصً لا مال هباب الهبوب طرقه
عهدي بها قبل( ٩ )شهور بعد رمضان
في رحلةً في الحقيقه ماهي موفقه
نسيت لاربط مع السرعه حزام الامان
تسابق الريح مثل الطلقه المطلقه
راحت وراها بعدخلت فصيح اللسان
من الحيا وجهه المطلق يبش عرقه
ماحنه الوقت تقل يعانده من زمان
مقرنسته الظروف الحلقة المسبقه
يعينه الله من يقول الله المستعان
اللي. تكفل بعبده لا خلقه ارزقه
مابينه وبين عبده واسط وترجمان
يغدق عليه النعم بيدينه المغدقه
يكشف هل الزيف والتطبيل والبهلوان
اطيبهم اليا عطا يعطيك بالملعقه
يا مرحبا رحب في حفل تقل مهرجان
في ساحة العرض والا الصاله المغلقه
بحظوركم كملت الفرحه وزان المكان
والعود الازرق على الجمر الحمر نحرقه
هجوس شعري ماهي محتاج الروقان
في مدح ربعي مابقي بالحزام فشقه
ماني خليفة فلان ولاخليفة فلان
الرجل يعرف على ماقيل من منطقه
انته يافيصل من اللي يكسبون الرهان
راسن حماوي يرفرف بالعلا بيرقه
تستاهل المدح والافعال مثل الضمان
اقل ما اقدمه لو اكتب معلقه
حفيد من مجلسه اكبر من البرلمان
المشكله. مايدون حلها بورقه
من زود عرفه يرجع عشر غيره ثمان
شمس ماتحجب على كبد السما مشرقه
ابوك عايض وعايض كنه الريهجان
الشايب اللي ماتوخذ من يده بندقه
سبعين عامً يشار لسيرته بالبنان
على فعول الجمايل ماحدن يسبقه
النعم جاله ليا بانت ومس البطان
هذاك من يطرحه هذاك من يلحقه
هالحين ينقال لو لمقشر البردقان
ماهو ضروري تقال النعم للي ثقه
معبديً ليا دارة رحاة الزمان
ضعيف القلب روح في الحياه مرقه
واللي يعادي معبد بالملاقاء يهان
نذكره قصة السندان والمطرقه
ربعي معبد مافيهم ذليل او جبان
نوحد الصف ماندعو الى التفرقه
مبايعين الموحد فوق بنت الحصان
نصيبناالمجد أجله واعظمه واعرقه