كلمات إزاي. إزاي

البنت السمرا ام ضفاير        لفّيت ورا منها الكون حاير
وفـ لحظة لقيت قلبها نسّاي.. إزاي ازاي.. ما اعرفش ازاي
*
نسْيت قعدتنا على الكورنيش            واحنا بنفتح لهوانا الشيش
وبنشرب سوى كوبّايتين شاي           إزاي ازاي ما اعرفش ازاي
*
وازاي القلب ما صدقشي               تهديدها ساعة قالت هامشي
من غير ما تقول جود لك باي باي    إزاي ازاي ما اعرفش ازاي
*
وافضل أستنى ما ترجعشي            وانده تسمع وما تسمعشي
كل ما تبعد تدخل جواي              إزاي ازاي ما اعرفش ازاي
*
أما انت يا قلبي صحيح طيّب         تدخل في مشاكل بتشيّب
وبتخرج منها تقول آي آي            إزاي ازاي ما اعرفش ازاي