كلمات تطري هجوسي
تطري هجوسي القافيه وتوجه
توجيه مارده وهي محتاجه
اسري معاها بالوفاء ف سجه
ونعود بعد اللي يتم اخراجه
واليوم في حفل الوفي محتجه
كنها غدت في سيرته هجاجه
ماودها ترجع وسوت لجه
تشعل قوافي نادره وهاجه
للمعمري سالت معي في فجه
واختارت الغبري على منهاجه
سعود اللي مايدور حجه
عند المسائل يرتكي ويواجه
الوقت مايشكي ترى من حاجه
ان جات له سمحه وجت معوجه
يعدل الميله كذا بمزاجه
زبن الدخيل ويكرمه وينجه
من الظروف ويفلها بحجاجه
تعطي يمينه زود دون الصجه
راعي الكرم وجمايله ثجاجه
بحره غزير ومكسبه في لجه
ومع المواقف لاطمات امواجه
واليوم كنها العشر من ذو الحجه
من زحمه ضيوفه ومن حجاجه
الارض ترجف والسماء مرتجه
والليل بدد عتمته بسراجه
مبروك عرسك والعرب منهجه
صوبك ومجدك معتلي بابراجه
منصور واسمك لو يسوي ضجه
تستاهل التشريف تلبس تاجه
ماجيت لا طامع ولا لي حاجه