كلمات معلش اصلي مدلعها

انا في عينيها احن الناس
واجدعها
ان خدت خطوة معجبتهاش
براجعها
لو رايحة جاية في اي مكان
بتابعها
وان مرة قالت يللا جنان
بطاوعها

ودول يقولوا هتعيشها عليك
ودول يقولوا هتطمعها
اروح اخدها ف حضني واقول
معلش اصلي مدلعها

تعوزني وسط حاجات بالكوم
افضالها
وتقول يا حكي ف وقت النوم
اصحالها
تزعل وترمي عليا اللوم
اصفالها
واللي يعاديها ظالم مظلوم
بحاميلها

ودول يقولوا هتعيشها عليك
ودول يقولوا هتطمعها
اروح اخدها ف حضني واقول
معلش اصلي مدلعها

نيجي بقى للجد
هتعب لو الحال ده هيمشي
لازم ارخي واشد
مش كل طلباتها بتمشي
وان حلفتني بغلاوتها
كلمتها عمري ما اوقعها
معلش اصلي مدلعها