كلمات يا بنات بلادنا

يا بنات بلادنا
يا زاد عنادنا
يا مد عروقنا
و غنوة حصادنا

نجوم الليالي
و القمر العالي
ردوا موالي
لبنات بلادنا

جفرات بثوب الحرية
مطرز حنون و طراح
و الكوفية فلسطينية
شالنها عالكتف وشاح
الهن تندق التحية
كل ما رف الطير جناح

حنة ع كفوف الكرامه
و كحلتها العزة عالعين
ما بتحني للياس الهامه
مغوارة بنت فلسطين
ربيت على نخوة و شهامه
و ما يعلا ع جبينا جبين

سمرة و الهيبات بفيها
يكسيها ثوب الاصرار
وعيوني ما شافت زيها
تشبه وردات الجلنار
يغمر بدر السما ضيها
و الزهر ان ضحكت بيغار