كلمات انا اكبر من كلام اللي

انا اكبر من كلام اللي يقول وما يهم ش قال
وغلاتك في سما عيني يطيح الكون ما طاحت
اشوفك فوق يا كل الغرام وحب ما ينطال
واحس روحي على غصن الوله في غيبتك ناحت
نبض قلبي ونظر عيني اذا شفتك يرد الحال
ونفوس بجيتك طبعا قسم بالله ما ارتاحت
يا حب ثابت فيني شموخه من شموخ جبال
كفوف ودها تزيح الجبل لكن ما زاحت

فديتك لا برق شوقي عدد وابل من الهمال
وفديتك كثر ما اتفدى طيوفك كل ما لاحت
امان القلب بوجودك معي في حل و ف ترحال
ومعي في داخل فوادي واسمك داخله ناحت
سهرت الليل لعيونك واحس فجري بدونك طال
مشاعر شوق اخفيها وعلى عيوني وله باحت
تعرف ان الصبر يقتل وكم قالوا الصبر قتال
ومكثر ناس ماحسبها متى جتني ومتى راحت

مكانك خافقي قصرك وتامر به يمين شمال
ولك روضه غلا فيني وكل ورده وله فاحت
وفي عروقي نهر ودك وكل عرق محبه سال
وهلت من جبال الشوق مصعبها اذا اجتاحت
سكنت الروح يا روحي ولك روحي عليك ظلال
واذا عيني فقدت شوفك تحن وم الوله صاحت
انا بكيفي وعلى كيفي واعيد الشطر ياللي انقال
انا روحي على غصن الوله في غيبتك ناحت