كلمات منوة القلب

يا مرحبا يا منوة القلب الاصيل
يا نسمة الصبح و ترانيم المسا

هذا الحضور اللي ابد ماله مثيل
بالحسن والاخلاق والطيب اكتسى

زينك تعدى كل وصف مستحيل
وما ظن مثل الزين هذا ينسى

مشاعري لك من محبتها تميل
و الحمدلله اختارتك بين النسا

حظي تباشربك و لا يبغي بديل
من عاش في قربك ما بيعيش باسى

لوحة حسن مرسومة بحس نبيل
من شافها قلبه يلين و لو قسى

و انتي و انا نبحر على العهد الطويل
و ركب الاماني في مشاعرنا رسى

شيخة و راشد ندعي الله كل ليل
عسى الليالي ما تبعدنا عسى