كلمات فاقد غالي

ياصاحبي يانزيه القلب و السيره
ياللي بصحبتك لا اساوم و لا ابالي
تقول وجهك علامه يالله الخيره
ماتدري ان نشدتك تثر على حالي
وجهي تعلمك بااعلومه تعابيره
عني تعابير وجهي تشرح احوالي
انا عليه زماني حايم طيره
ومن حومته فاقد لي واحد غالي

كن القريفل يكافح وضعي الحالي
واعقلي اللي تضارب فيه تفكيره
واقلبي من اللوعه ماهو خالي
وآحزني اللي شعم في خافقي نيره
عز الله انه لذعني ضغطه العالي
من يوم مابركتني دونه الحيره
اروح وارجع وانا بأمره يورالي
وقبل الاطباء تعلمني بتقريره
لعب بخافي تقرير على بالي
جيته وشفت المرض وشلون تأثيره
وشرح لي الوضع كامل جسمه البالي

لااعطيه وارضيه من حالي ومن مالي
لكن مالي بحكم الله و تدبيره
مكتوب واللي وطى الاول وطى التالي
وبعد بدنياه وصل آخر مشاويره
ونزل محل رميت ابه آخر آمالي
قبر معمقتن اركونه حفافيره
وتعذر امن الفزوع ابعيد واموالي
ياكود فزعتك ياللي قسمتك خيره
يامن برحمتك تبقا له و تبقالي
يالله عسى جنة الفردوس تقديره
كرامة منك يا رحمان يا والي
اكتب له مع الرسول المصطفى جيره
وأسقه من ا لرهيجان البارد الحالي
وانا تبدل كسر بقلبي بتجبيره
يارايف بالحوال تروف في حالي